Arab tili samiy (semid) tiller semyasına kiredi. Arab tiliniń ádebiy norması islamnan burın-aq dúzile basladı. Arab tili páni filosofiya tálim baǵdarı studentlerine 68 saat ámeliy saat kórinisinde ótiw rejelestirilgen. Keleshekte filosof bolıp jetisetuǵın studentke arab tilin oqıtqandaǵı tiykarǵı maqset mıń jıllıq tariyxımızdı, mádeniyatımız tariyxın, ádebiyat hám til tariyxın úyreniwde, izertlewde kerek bolatuǵın eń tiykarǵı qural arab jazıwın, usı jazıw negizinde dóretilgen tariyxıy, mádeniy, ádebiy jazba esteliklerdi, eski qoljazbalardı oqıp túsiniwde fundament retinde arab grafikasın úyretiw, arab tili boyınsha baslanǵısh bilimlerdi beriw bolıp esaplanadı.
