Аудит 4-фин (ққ) (Utegenova S)

Ekonomikanıń erkinlestiriliwi hám reformalardıń tereńlestiriliwi nátiyjesinde kárxanalar xızmetiniń nátiyjeliligin asırıw, auditorlıq tekseriwden ótkeriw hám de esaplasıwdı jetilistiriw maqsetinde olarǵa másláhát, jol-joba, huqıqıy hám basqa túrdegi járdem kórsetetuǵın qánigeli xızmettiń jańa forması – auditorlıq iskerlikke talap jáne de kúsheymekte.

Usıǵan baylanıslı auditorlıq iskerlikti ele de jetilistiriw, onıń qollanıwshańlıǵın asırıw hám rawajlandırıw boyınsha bir qatar unamlı jumıslar ámelge asırıldı, yaǵnıy, Ózbekistan Respublikası Oliy Májilisiniń qararına muwapıq 2000-jıl 26-mayda jańa redakciyadaǵı «Auditorlıq iskerlik haqqında»ǵı nızam qabıllandı. Bul nızamdı ámelge asırıw, auditorlıq juwmaqlardı salıq hám basqa qadaǵalaw organları tárepinen esapqa alınıwın támiynlew maqsetinde 2000-jıl 22-sentyabrde Ózbekistan Respublikası Ministrler Kabinetiniń 365-sanlı «Auditorlıq iskerlikti jetilistiriw hám auditorlıq tekseriwlerdiń áhmiyetin jáne de asırıw haqqında»ǵı qararı hám basqa da normativlik hújjetler qabıllandı, auditorlıq iskerlik penen shuǵıllanıw huqıqı ushın attestaciya ótkeriw tártibi hám auditorlıq iskerlikti ámelge asırıw ushın licenziya beriw tártipleri ayqınlastırıldı.

Joqarı maǵlıwmatlı qánigelerdi tayarlawda kóbinen-kóp ilimiy hám ámeliy ádebiyatlar menen támiynlengen hám sabaqlardı professional dárejede zamanagóy informacion hám pedagogikalıq texnologiyalardan sapalı paydalana biliwge baylanıslı. Bul wazıypalardı sheshiw maqsetinde 5230900-«Buxgalteriya esabı hám audit» baǵdarı boyınsha bakalavrlar tayarlawdıń úlgi baǵdarlamasına muwapıq usı oqıw qollanba jazıldı. Bunda auditorlıq iskerliktiń mánisi, mazmunı, áhmiyeti hám wazıypaları haqqında talabalar anıq túsinikke iye boladı. ЬMoodle sistemasinda barliq temalar boyinsha materiallr berilgen bolip, talabalar bul kurs boyinsha toliq bilim aliwina imkaniyat bar.