Sanlı usıllar házirgi kúnde bir qansha ámeliy máselelerdi sheshiwde, ásirese, matematikalıq modellerdi differencial teńlemeler menen ańlatılǵan waqıya, processlerdi izertlewdiń ajıralmas bólegi sıpatında ayırıqsha orın iyeleydi. Bul modellerdi realizaciya qılıw ol yaki bul esaplaw algoritmlerin tańlaw hám kompyuterde programmalastırıw usılları menen tikkeley baylanısta. Bul sebepten máselelerdi sheshiwde ónimli esaplaw usılların tańlap biletuǵın hám olardı realizaciya qılıp biletuǵın kadrlar tayarlaw úlken áhmiyetke iye.
Studentler esaplaw usılları pánin úyreniw processinde tómendegilerdi orınlay alıwı kerek:
-máselelerdiń túrin anıqlap biliw hám olarǵa algoritmlerdi tuwrı qollanıp biliw hám belgili usıllardıń ornıqlılıǵın anıqlap biliw;
-programmalastırıw tillerin bilgen jaǵdayda EEM lerde máselelerdi sheship biliw;
-esaplaw nátiyjelerin joqarı dárejede analiz qılıp biliw;
-kurs boyınsha kórip shıǵılǵan túrli matematikalıq máselelerdiń sheshimin tabıw boyınsha sanlı usılların biliw;